Tuesday, April 25, 2006

خدعوك فقالوا الدنيا ربيع


خدعوك
فقالوا : الدنيا ربيع والجو بديع قفللى على كل المواضيع
الربيع؟؟؟؟؟
يعتقد البعض منا ان فصل الربيع من اجمل فصول السنة ...
طب انا عايز امارة او دليل ؟ هذا الفصل من ناحية الجو فهو من أسوأ فصول السنة
جوا فالطقس فيه مشوش ومرتبك وفيه رياح خماسين مليئة بالغبار والاتربة التى تسبب
أمراض الحساسية ورمد العيون كما انه يشهد اياما خانقة الرطوبة ودرجات حرارة عالية
غير مسبوقه تضاهى شهر اغسطس .. وحبوب اللقاح التى يكثر بها الجو قد تتسبب ببعض
الامراض الجلدية كما ان يوم شم النسيم بعاداته واكلاتة كالفسيخ او السمك المعفن
عادة ما تؤدى الى كوارث كالتسمم ..وريحة البصل التى تفوح من الافواة المحتفلة ناهيك عن البيض وسنينه
بطقوسه .. ويرمز له البعض بفصل الحب .. كما يرمزون للخريف بفصل الفراق والحزن ..
والشتاء بالالم ..
وما الى ذلك من معانى ادبية وشعرية تقحم فصل عادى
وطبيعى من فصول السنة فى هذه المعانى .. كما ان ايضا سن الشباب كمان وريعانة يرمز
له بربيع العمر .. ياللروعة المريعة المروعة والمروعة بضم الميم .. لا اجد لهذا
لفصل معنى او لهذا الشهر معنى غير انه فصل عادى وشهر عادى من فصول السنة
بل ان شهر ابريل وهو اشهر فصول الربيع ملىء عندى بالاحداث والوقائع
الكئيبة
على المستوى العام والخاص وعلى مستوى الانسانية عامة ...
فواحد ابريل
يسمونه كدبة ابريل .. وشهد ايضا مجزرة جنين المروعة للشعب الفلسطينى اكبر جريمة
ابادة جماعية فى العقدين الاخريين ولا زالت ظروفها غامضة الى الان .. وسقوط يغداد
فى تسعة ابريل وذكرى وفاه جدى ابو امى
الذى كنت احبة كثيرا .. وذكرى وفاه صديق
لى ايام الجامعة .. وذكرى حالات فراقى لكل من احببت من نساء ؟ وذكرى حالات اكتئابى
...وتغيرات حالاتى المزاجيةووو ....فأنا اعترف ان اكثر فصول السنة التى اكون فيها قويا
وسعيدا ومتفائلا وفرحا مقبل على الحياه
اى فصل من فصول السنة

والا ماكنتش كتبت فى مدونتى حالة الاحتضار الطويلة ...لعنى وجدت الاجابة على هذا السؤالالذى يدور فى ذهنى وهى اننى كتبت هذه المدونة فى الربيع
عدا فصل الربيع .. وذكرى ايام معسكرات المذاكرة المشئومة ولملمة ما تبقى من
لعب فى التيرم وكاهل الكتب الدراسية الاجبارية
فى جميع مراحل التعليم ..
لكن
الايجابية فى هذا هو حبى للرائعة فيروز هذه الانسانة التى انصفت كل فصول السنة بل
وكل لحظات السنة ودقائقها وساعاتها وثوانيها .. فهى التى غنت للخريف الذى تجاهله
الجميع والشتاء والذى لا يطيقة الجميع ويكنية بكنية الكسل والحزن ...
تحية الى
رائعتى فيروز والتى ان حتى كحت فأنا اسمع كحتها واقول الله ...
فهل هنالك
من احد يبادلنى هذا الرأى ؟
ملحوظة أخيرة : يوم شم النسيم يوم الاتنين ذهبت جميع
أسرتى للاحتفال بالربيع فى الفيافى والربوع الخضراء واخذوا يلعبون ويفرحون ... اما
انا فبقيت بالمنزل بين الجدران امام شاشة التلفاز امام الاخبار ادخن وأحتسى
القهوة والترمس.....
فى انتظار حدث جلل اتوقع مسبقا انه غير سعيد كالعادة
....
وإذ بالحدث يهب فى وجهى ومقله عينى ..بعناد واثق من النفس ..ومنضبط
المواعيد ..حيث ان هذا الحدث لم يتأخر على فى هذه اللحظات من السنة
الحدث
:: ثلاثة تفجيرات بدهب تودىبحياة وأصابة أكثرمن مائة شخص و تقصف اعمار بشر لا ذنب لهم سوى الاحتفال
بمراسم شم النسيم ... والربيع

انه الربيع بألامة وهذيانه الحزين

12 Comments:

Blogger sabrina said...

فيروز الرائعة لأيختلف عليها أثنين
her voice can clame me whatever my mood

2:31 PM  
Blogger karakib said...

سؤال بيلح عليا 000
هو في حد ممكن يكره فيروز ؟؟
انتوك

5:24 PM  
Blogger غادة الكاميليا said...

أنا بعشق الشتا بجد كفايه حالة الكتابه فيه بتكون تحفه
لكن الحج ربيع كفيل بإنه أبكاني هذا العام بسبب كدبة إبريل وتعب عيوني الذي يتكرر كل ربيع
وبعدين فيروز دي أكتر شيء حبيته في الشتا
كفايه قوي قديش كان في ناس

1:44 PM  
Blogger Darweshe said...

اذن أعتقد أن كل ما يجمع بيننا نحن المدونون هو حبنا لصوتنا وصوت ضمائرنا فيروز

ورجعت الشتوية ...وشتى يا دنيى ..
تحيتى للجميع وشكراا عالمشاركة

5:29 PM  
Blogger karakib said...

:) يجمع ما بين المدونون الكثير و الكثير يا صديقي
مش هقدر ارتبهم بس هاقلهم كده و اكيد في حاجات ناقصه اكيد
فيروز
كأبه
مساحه حريه خاصه
احساس بالاحباط
امل
حب الافكار الجديده
قبول الاخر
انتوك

2:15 AM  
Blogger جليلة said...

و الله عندك حق , انا عن نفسى أفضل الخريف كفصل من فصول السنة لأن الشتا بييجى بعده و بيبقى الجو فيه فى أحسن حالاته و سماه صافية

9:19 AM  
Blogger sha3'af said...

محاولة للاغاظة: "ابريل ومايو ويونيه
دول موسم الامتحانات
وليه بتحلوي يا دنيا
في الوقت ده بالذات"صلاح جاهين

ولو سمحت مالكش دعوة بابريل ده خالص

نتكلم جد شويه: الصورة دي عن فصل الربيع غالبا اتاخدت من ادباء وشعراء المهجر.. الادباء اللبنانين مثلا اللي الربيع بيكون عندهم كده فعلا

لكن اكيد في مصر الوضع يختلف

بس الصور الذهنية هيه اللي بقيت زي ما هيه

وعموما الواحد يقدر يستمتع باوقاته كلها بطريقته
لكن اخلاصنا طبعا بيظل دائما وابدا للشتاء الجميل

11:07 AM  
Blogger فنجان قهوة said...

انا معاك يا ريس فى كل اللى قولته عن الربيع و جو الربيع
بس مع ذلك فعلا الربيع هو فصل التحولات الشعورية .. عشان كده باخاف منه جدا
باخاف انسى حد فيه نفسى افضل فاكراه
او ادخل فى حب جديد
او اطلع من حب قديم
و هكذا

12:27 PM  
Blogger tamer said...

انا اتفق معاك

وافضل الشتاء وبالاخص الليل فية بيكون كلو رومانسية

ربنا يوفقك

الى الامام

8:20 AM  
Blogger ايــــــــــــــــــوب said...

عمت ربيعاً يا رفيق

10:45 PM  
Blogger tona said...

انت متشائم جدا
احلي حاجه فيك هي حبك لفيروز

3:58 AM  
Blogger BaTaBeeT said...

el rabee3... malosh malame7 fe3lan
just flowers... tab mlflowers f kl fasl f ay 7etta !!!
ne3ml eh b2a... just tradtitions

nice blog :)

2:58 AM  

Post a Comment

Subscribe to Post Comments [Atom]

<< Home