انا مدون ليه؟ وفين ؟ وعشانيه؟

لا اعرف ابتدى منين الحكاية ... اقصد الحكاية يعنى الحكاية ايوة الحكاية اى تدوينة والسلام فهى ليست اغنية لعبد الحليم الذى لا أفضل سماعه ولا حكايتى مع الزمان التى تناولتها وردة بقدر من الماسوشية والتلذذ بتعذيب الذات والذى انفر منه بالطبع , القصة تتلخص فى الاتى وحيث انى ومن ثم وعلى هذا الاساس وعلى هذا المنوال وفى هذا السياق وكما ورد واسلفت وانظر طيه فى السطور سالفة الذكر والسطور التالى بيانها ولأجل العلم .....ومما يترأى لنا مما ورد .........وفحوى ........هذا الكلام ..........لاحظ خلى بلك ايها القارئ للمدونة .........لا حظ كمان كما ستلاحظ بعد ذلك ..............تلاحظ اية بقأه اول ياعم خنقتنا ؟ لالالالالالالالالالالالالالالالالالالاحححححححححظظظظظظظظظظظظظظظ برضة وهذا هوالسؤال ؟
.......هذه الاجابة........ مدى انعكاس دراستى للقانون والحقوق وتمقيق الكتب على ادواتى فى الكتابة .
فهذا ليس بيدى بل بيد عمرو , وبيدى لا بيد عمرو موش فارقة كتير لان كله طبعا عند العرب تعليم
دخلت كليه الحقوق بمجموع الحقوق النموذجى ........ليه ؟ عشان انا كنت عايز ادخل حقوق طب حقوق بس لا طبعا كنت عايز ادخل فنون جميلة قسم فنون .. اه ... يعنى فنان رسام رسيم برسوم
اقول اصل العبرة ليست بالرسم او الفن لكن باية ؟ بالمجموع ومجموع كبير
يعنى بلاها قدرات وبعدين ايه كنت دخلت اختبار القدرات وكنت لوحدى انا واتنين اللى داخلين القدرات على مستوى المدرسة يعنى لجنة المراقبة اللى جاية من محافظة تانية عشان تراقب ملطوعة لينا على منخلص الامتحان وهاتك يا تريقه ييجى رئيس الدور واللجنة وبشرية من المراقبين ( ليسوا دوليين بالطبع) خلص ياد انت وهوه عايزين نروح احنا ملطوعين هنا من الصبح ......مش عارف قدرات ايه وهباب ايه
ملعون الراجل الوزير يتاع نظام الثانوية العامة الحديث هو كان مالة النظام القديم ...........وأخر يقترب ويقول لى اظن الامتحان تلات ساعات انت يرضيك نقعد . تلات ساعات؟ لا طبعا ياباشا مايرضينيش
خلاص بقأه انت بقالك نص ساعة (كفاية) كدة - كانت ايامها حركة كفاية لم تولد بعد
حاضر هالون واروح ....طبعا الاثنان الاخران اتخنقوا وروحوا(وا صلهم كانواعلمى وعندهم امتحان نار تانى يوم الصبح أنا بس اللى أدبى ) من اول ربع ساعة رغم انه ممنوع لم كراسات الاجابة بعد الا بعد
.. نصف الوقت ...فبقيت لوحدى والعيال صحابى باعونى فرضيت بالامر الواقع وناضلت وقاومت من اجل الرسم فقط وليس من اجل مصر ؟؟؟؟؟؟؟؟؟؟؟؟؟؟؟؟؟؟؟؟؟؟؟ تكاثر المراقبين من حولى تقولش بيراقبوا على الانتخابات الرئاسية اوالبرلمانية ياأخى .....واحنا بقأه هنفضل مقطوعين كده لغاية لما سيادتك تلون كمان ..يابنى روح زى ما زمايلك روحوا ذاكرلك كلمتين ...ورينى كده ياعم الفنان ده رئيس اللجان وأشعل سيجارتة وقعد جنبى ورينى راسم ايه ماانت زى الفل اهه طب ما تروح انت اكيد قاعد تمتحن من الصبح وانتوا كان عندكو انجليزى النهاردة والامتحان كان صعب ......المهم اتخنقت وروحت ... لما لقيت الموضوع موش جايب همه ....اصلهم كانوا طالبين منى أرسم نتيجة رأس السنة الميلادية يعنى لا فن ولا دياولوه......وبعدين المجموع برضة ......
طبعا يقدح فى ازناد تفكيركم سؤال ويثور تساؤل
أحنا مالنا بالموضوع دا؟؟؟؟؟؟؟؟
طبعا مقصدش مدونة أحنا...
اقول اصلى عامل البلوج بتاعى دة منذ ايام قليلة وكان فاضى يعنى لازم املاه واملاه طبعا بكلام حتى لو كان كلام او لاكلام او اى كلام بس كلام............وأليكم باقى الكلام -----المهم دخلت كليه الحقوق بارادتى وعن قناعة وتسيير تخطيطى لكى لا ارهق نفسى فى الثانوية العامة الا بمجموع كلية الحقوق وبرضة فى كلية الحقوق ومن اول تيرم انكشف لى المستور واستبانت لى الحقائق جلية بعدما كانت المؤشرات الدالة الاولية توحى بتقديرات عالية جدا تجهيزا لوكيل النيابة الذى سيتخرج من الكليه بعد اربع سنوات واللى هوه انا
بس اللى حصل ان اللى بيتعين فى النيابة كالعادة اما ابن مستشاراو قاضى أو لواء ناس واصلين قد يكون بمعنى الموالسين لكن اى واصلين وخلاص , يا اما الفكة والتظبيط من تحت الترابيزة يعنى الكاشات والمانيهات
والاهم طبعا الملف الامنى والسجل السياسى الناصع البياض والمشرف طبعا فى الحزب الوطنى حتى الدرجة الرابعة ومن الابوين وكان الشرط ان يكون اقاربى حتى الدرجة الرابعة من المسبحين بحمد ومجد الحكومة الرشيدة الظريفة اللذيذة و رئيسها المفدى المبجل المعظم المقعر المحدب والرئيس اللى قبله واللى قبله واللى قبله ....فاقتصرت الطريق وقضيتها ونفضت وتريت للدنيا وعشت حياتى وانتعشت ....وتخرجت انا ورفاقى بعد خمس سنوات صراع و نضال ومقاومة باسلة لقوات الاحتلال الجامعى الغادر المكون من زمرة المعقدين والمرضى النفسيين اللى واخدين حرف الدال برغيف عيش؟ مع الأعتزار لخبز او بدول شرقية او بمهمة امنجية بصاصيه عصفورية من الطراز الرفيع أو بسرقة بحث علمى سابق وتمريره فى المناقشة للرسالة بطقم صالون او حتى عربية هديه دا ان لم تكن نبته الحشيش.. و بصم ابله وحفظ عقيم لورق اللحمة اللى كان مكتوب علية كلام .............واهو كله كلام يملا المدونه..... وطبعا الامور دى كلها نسبية وليست بمطلقة لكن لو توافرت كل هذه الشروط اصبحنا امام رئيس جامعة بالتعيين ان لم يكن وزيرا للتعليم العالى والبحث العلمى وهكذا ناضلنا كالاساوش ولم احقق سوى خسائر لا تكاد تذكر بالمقارنة
بزملائى وزميلاتى الشهداء فى ام المعارك .......وشهدت كليتنا حالات للانتحار داخل اسوار الجامعة وخارجها وهذه حقيقة وليست مبالغة ...........واخيرا حتى لا اطيل تخرجت من الكلية بسلام .. ومدى اعتراضى وتحفظى ليس على الدراسة بعينها ولكن على طرق واساليب التدريس الاستبدادية والمتخلفة وبالقائمين عليها وبسياسات التدريس والتعليم .... لكن فحوى القانون واكرر فحوى القانون هى عن جد
شيقة جدا وممتعة بواقع الحال ....... طبعا الدساتيرالمصرية ملغيه يعنى مبنمتحنش فيها
.... من أول دستور الباشمهندس سعد باشا سنه تلاتة وعشرين .............مرورا بسته وتلاتين حتى ....... انتهاءا بالدستور الحالى بتاع الباشا برضة.......